طاريك ما خلا لـ أحد أي طاري
من كثر حبك صرت للـكل جاحد
أحلامي وقت النوم ماهي اختياري
تتعدد الأحلام والشخص واحد
بالليل طيفك حاضر وفي نهاري
دايم قريب ماهو راضي يباعد
شالحل يا شاعل فتيل انتظاري
لا ينفجر قلبي ترى الشوق چايد
قزرت ليلي بين يمكن وأثاري
وشلون أنام وداخلي جرح قاعد
مره أحسك جنتي ومره ناري
جنه قليل ولكن النار وايد
تقدر تساعدني وتنهي قراري
لكن رداك يقول لك لا تساعد
تقسى على قلبي وقلبي يداري
ماكنك الحب كنك إنسان حاقد
