ويلي يابا شعندچ ذوق
شهالأناقة شهالكشخة
انتي وحدچ اصلية
من بعدچ كلها نسخة
الله يشهد هاي العين
محد غيرچ يعجبها
يم العين الماترحم
ومكحلة من ربها
فوتي الكلب وإحتليه
فدوى إيروحللچ كلبي
شفتچ سلاح ومحظور
وبخدي سلاحچ جربي
شفت الكمر عاف الليل
إحتراما لوجودچ
ضو الكمر نص أمبير
لو قارنته بخدودچ
أرد أحضنچ حضنة شوك
خلي الضلع يتكسر
يل شفتچ طرف الفنجان
و الركبة مثل المرمر
عذريني لو بي تقصير
أول مرة أتغزل
انتي لو يمي تمرين
كل كياني يتزلزل
