دخيل الله لا تسأل عــيوني لـيش سهـــرانه
عـيون العشق لو نامت عـيون الشوق مفتوحه
أداري ما خفى قـــلبي وروح الـروح ولهانه
ولا أقـــــدر أداري لهفتي والعـين مفضوحه
لـ قلبي ســــر وعــــيوني تبوح بكل وجدانه
وتفضح لك فـرح نبضه مثل ما تفضح جروحه
أحــــبك يا ضيا عمري وأزهــاره وألوانه
رسمتك عشق لا يوصف وصرت لعالمي لوحه
أحــــبك كثر ما جاد السحـاب و هـل هتانه واحبك
كثر ما باح الشعــر واستعـذبك بوحه
يا أوفى الناس واغلى ما وهبني الرب سبحانه
دعــــيت الله وأبواب السما بالخــير مفتوحه
يا قلب الخود واحساسه يا حب احيا على شانه
يا نبض الحب وشعوره ويا قلبه ويا روحه
عــيونك وجهتي والقلب يلقى فـــيك عنوانه
ولك في خــافقي قــصر الغـرام امعلي صروحه
