تجيني حلم
تجيني حلم بين اغفى و بين اصحى على طاريك
وبين الله يجيبك لي وبين أرجوك لا يهمك
تعال و قابلك ربك تغلى عند من يغليك
تعال وكلي اشواق تبيك وقلب ايضمك
لك الأصدق من شعور وفا لك قبل ما اوفيك
الين اصبح معاك العشق ورد اقطفه واشمك
انا ما زان لي ممسى بلا شوفك ولمس يديك
يروح العمر و عيوني تخايل طيفك ورسمك
انا ما كنت لك عابر أنا اول من سعى يرضيك
انا الأولى على قلب نبض بحساسك وباسمك
انا من كثر ما أحبك احس الحب متعديك
وصلت لسابع اجدادك أبوك واهلك و أمك
بجي لك من ورا ظهر المسافه خطوة ترجيك
واذا ان الأرض ما شالت خطاها سقتها يمك
على الفجر الجديد اللي عزفْك و ماقدر يحكيك
بغافل خطوة الفرقى الين احضنك وألمك
