واحشنى حد يقولى ايه طمنينى وصلتى
وف زعلى منه يقولى مقدرش تبقى زعلتى
ارتاح له ولأفكاره ولجده قبل هزاره
و احس فيه من عيلتي
مايكونش عقله صغير ولا جى فيا يغيّر
ولا جى يتقل شيلتى
يفضل دايما حواليا مايسبنيش وانا تعبانه
ومااباتش دموع ف عنيا ماينيمنيش زعلانه
يسمع وانا بحكى مشاكلى يشاركنى ف كل حكايتى
اهتم عشانه بشكلى وارجع احبنى ف مرايتى
انا عايزه حد حنين مايجيش عليا يزود
م الأول ابقا بحبه مش احبّه لما اتعود
طريقته تبقا مريحه يجبرنى ابقا صريحه
مش اصارحه علشان لازم
عايزاه يكون ويايا ظهر وسند وحمايه
اكتر كمان م اللازم
