اسهري ياعين والله يعين الساهرين
وادمعي كالعاده بكل ليله مظلمه
في متاهات الزمن صار لي اربع سنين
وكل جرح يجرح الروح بالصدر اكتمه
والهموم العشر زادن وصارن اربعين
واظلمت دنياي وانا بعصر العولمه
كنت احسب ان الغلا ماتغيره السنين
وانجرحت بجرح الله وحده يعلمه
واحسب اني عندك اغلى من الكنز الثمين
واحسب انك مغرمٍ مثل ماني مغرمه
لكن الخافي ولو طالت الدنيا يبين
صدمة تفجع شعور الحبيب وتصدمه
واتضح ما كان خافي على القلب الحزين
وانصدم قلبي بدنياي صدمه مؤلمه
مايموت الحب عندي لو الدنيا تشين
وكان مات الحب في قلبك الله يرحمه
اسهري ياعين والله يعين الساهرين
ودمعي كالعاده بكل ليله مظلمه
واحسب اني عندك اغلى من الكنز الثمين
واحسب انك مغرم مثل ماني مغرمه
