يوم اطالع صورتك قبلتها
يا شريك الروح واقصى مبتغاي
اجبر بخاطر جروح اهملتها
من صدودك شافها رايح و جاي
والمصيبه دمعتي نزلتها
من قساك معاند ليني قساي
انت و الضيقه علي كملتها
صرت مهملني و مرخص في غلاي
شلتك بعين و عرب ما شلتها
راجي وصلك و هي تجري وراي
كم بصدري كلمة ما قلتها
لاكن اسمع شي عابر من لظاي
هي قصيره واعتقد طولتها
احتريتك وانت صامل في عناي
والله ان ذكراك مابطلتها
والخفوق بحبك الباقي معاي
ارجع انقذ روح قد بهذلتها
او عسى الله يحسن لروحي عزاي
حرة اشواقي عليك ارسلتها
تاهت بدربك و لا دلت خطاي
