بطيب الخواطر
وجوايا هموم بالكوم
لا حد جبرلي خاطر
ولا حد حس بوجعي فـ يوم
وفيت وقلبي كان صافي
لناس كبرو على كتافي
وقدمت الجميل كله
لقيت الكل بيجافي
يابوي طعم الحياه ماله
مرر زماننا وأحواله
بنعض عض فـ بعضينا
والمعدولين مالهم مالو
ماكنتش أظن ياجي اليوم
ما يبقاش حتى نافع لوم
بياكلو اللقمة معيوبة
ويبقى الحق مش معلوم
ياناس الود فينه غاب
وكيف السنه بقيت ناب
وانا تايه في وسطيكم
عشان طيب ماليشي مناب
واقول اصبر ياقلبي تنول
وقلت القسوه مش على طول
لكين الصبر طال بيا
ولا لقيتلي طريق معدول
انا برضه على أصولي
ماتصحو عاد وبصولي
أنا اللي كنتو تمشو وراي
وفي الوقعة تنادولي
