يا مرحبا بضيوف اهل الامارات
في دار اهل الخير واهل الحميه
في ابوظبي منبع جميع البطولات
ولهل الجوجتسو عاصمه مركزيه
خمسة عشر عام على الدعم بثبات
على نظم في بنودها التوعويه
من فعل ابو خالد في كل المجالات
لين اصبحت في بلادنا منهجيه
له نظرت طافت حدود المجرات
وخلت لنا بين الدول اولويه
وبرعاية اللي محتزم للمهمات
خالد ولي العهد حيك وحيه
داعم رياضه رايده فـ الرياضات
يالين صارت بالفعل عالميه
بعيالهم واللي سكن فالامارات
اهل الشجاعه والعزوم القويه
امتوجين انجازهم فالمنصات
في داخل الدوله وفالخارجيه
وهذا وطنا وبوظبي خص بالذات
إلها على سبق الفعل جاذبيه
