أنا متعودتش اني أبين وجعي ده قدام حد
ولا عمري شكيت انا همي ف يوم مهما الحال داق أو شد
و بحمد الله مبقتش احتاج لكن تحتاجني هسد
أنا قلبي الابيض لساه ابيض لو ميت مليون قلب اسود
شوفت أنا منهم جرح بزياده
اتأذيت بينكوا غدركوا ده عاده
صونتكوا خانوا خلق كياده
نفسي أنا احكي ع اللي جوايا
بس انا لوحدي مين بقي معايا
بس عادي يعني هرمي أنا ورايا
أنا قلبي ده كان لسه ابيض خام بس انتم لوثتوه
صدق كدبكوا و امنكوا أما اداكوا ضهره انتوا طعنتوه
ما أنا كنت الطيشه اللي بترموه و بترجعوا تاني تلاقوه
قررت اتحول لواحد تترعبوا أن صدفه تقابلوه
بآجي علي نفسي لأجل ناس غيري
ف الصحاب حظي عكس تقديري
عاشوا علي حسي اتمرمغوا ف خيري
شيلت فوق راسي هم بالكيله
حولوني قاسي ليله ورا ليله
لعبوا دول بيا جم ف تغفيله
باي باي وسلام الباب مفتوح سكتكوا ذهاب بلا عوده
قررت اصفي عشان شكلها وسعت مني بقت فوضي
دي حياتي قلبت للوكندا فتره راحه بقي في حياة ده و ده
مع اني عايشها بطيبه واخد ف الجدعنه ختم الجوده
عشتي ف الاوضه كنت وحداني
ايامي السوده مش مفرقاني
نفسي أنا افرح وانسي أحزاني
كل يوم اسهر مش بدوق النوم
قلبي ده اتكسر من جراح لهموم
نفسي اخد راحه ده الوجع بالكوم
شقيان و بدأها من الصفر أنا يعني مجتليش بسهوله
طول عمري خدوم مجدع و بدوم تصنيفي م الدرجه الاولى
لو بحضر اي مكان في نوش دي لأجلي تكون محلوله
و بفضل المولى في أي مكان تيجي سيرتي يقولوا رجوله
