ودي إن أمي ماتبكي وأنا عيني تشوف
وإن بكت ما تبكي إلا وأنا ما شوفها
غير عبرتها سريعة وخاطرها لهوف
والزمان بشيبته ما حفظ معروفها
ما تحمل لحظة الضعف في عين العطوف
جعل روحي تسبق الدمع بين كفوفها
والله انها مثل وقع الشباري والسيوف
وإن جوفي كن نار الحديد تلوفها
هشم روحي كل ماشفتها تبغا الوقوف
والعظام ازرت وعيت تشيل وقوفها
أتصدد وأتلدد وتاكلني الحسوف
ودي إني من على وجه الأرض بجوفها
جعل روح عارضت لاجلنا كل الظروف
في نهار العرض الأكبر تزين ظروفها
