رحت و الحب كبر وياك
صرت اغلى البشر عندي
يالتحب روحك اتحداك
اذا حبيتها بكدي
انا البوداعك و فركاك
لازم دمعتي بخدي
احن واشتاك الك و الكاك
اول من وكف ضدي
تريد تروح الله وياك
ابد ما يختلف عندي
وجودك يمي وبفركاك
احس ثنينهن وحدي
وكت ماعندي اني انساك
افكر بيك كل وكتي
حتى بنعمة النسيان
ما مشغوله ذاكرتي
واذا تسأل علي تعبان
و غيرك ماعرف علتي
احبك من كلب ولسان
يحب يتحكم بصحتي
و عنك ما كلت زعلان
عيوني السولفت قصتي
اسمك بالسوالف چان
يجي ينسيني سالفتي
