مرحبا يا مشة الزور هلي يا هلا
مرحبا ياراس مالي وكنزي وذهبي
أقبلي وإن شبهرت فيك نظرات الملا
أكثري من ذكر ربي ومن ذكر النبي
الله اكبر يا قوامٍ خلقه اللي علي
مدمجين تحت خصر تحت عاتق ظبي
أشهد إني رحت فيها معك شوق وغلا
والبدر قد قال محد يحب اللي يبي
جد لك قلب عليه الدهر شرب وكلا
وطاح لك راس عزيز شموخ يعربي
وصار سرك حد موس على الوجه اعتلا
ان طمن في لحيتي وان تعلان في اشنبي
ليتني عييت بالقلب وما ارخصته ولا
وهقتني حيلة الذيب في قلب غبي
البلا إني قلت لك لا قلتي لي بلا
كن قلب بين الاضلاع عند أمك صبي
ابتليتيني عسى الله يعين المبتلا
لين عاهدتك على الوصل لو كان أحبي
طالبك روفي بحالي ترى المتلي تلا
واتقي قلبي تراني وحيد أمي وأبي
