بالمجاني
الراديو بيلعب لي أغاني
وعامل لي حفلة على مقاسي والناس نايمين
والجينز الحيلة مكفيني ومخليني
ماشي واديا في جيوبي جنب الڤتارين
والشاي في العصرية منعنع قلبي يلعلع
ويغير من الفل في بلكونتي ورد البساتين
وانا عايز ايه
أنا عندي كتير
أهلي وراضيين
واصحاب حاضرين
ودي أغلى حاجات في الكون ببلاش
وجبال المال ما بتشتريهاش
أهلي وعايش عمري في خيرهم
اوضه وباب السقف ساترهم
شبابيك بترقص ستايرهم
لما نسيم الليل بيفوت
وعيال في الشارع ضحكتها
بتنور للعين سكتها
والدوشة فقلبي يسكتها
فنجان القهوة المضبوط
