قلبي تحير من صفاته
ذرب و جفول و منطقٍ زين
ياخذ من الظبي التفاته
و العاتق اللي حول شبرين
سلهامة الرمش و شفاته
تميزت في وجهه الزين
و إلى تبسم من حلاته
غمازته و الشامه تبين
جسمه شكى من مغرياته
مع جماله رقه و لين
الخصر باقي معطياته
ضامر وكنه فوق قوسين
اضيع في الوصف وجهاته
لا دبر و لا قبّل بزين
مافيه من سوى سواته
و لا فتني لين ذلحين
القلب صار اغلى امنياته
ماهوب تو الا من سنين
دايم يكرر لي وصاته
لا تنثني للصد و البين
مايدري انه من غلاته
عندي يساوي القلب والعين
و حافظه و احفظ ذكرياته
عن كل واشي يستمع زين
هذا هو الحب و طراته
ياللي علينا دوم شرهين
