متوهمنيش
وتعملى الحياه جنه
ووقت الجد يبقى مفيش
متوهمنيش
ساعات الوهم بيموت
حاجات كانت لابد تعيش
ياتبقى قد نظراتك
وقد الوعد والكلمه
يامتقللشى فى كرامتى
وتيجى تقول محبتنيش
بنات الناس مهيش لعبه
عشان تتسلى بسنينى
رجولتك عمرها ماتكمل
لو إنت مش هتحمينى
سندت عليك لكن سندى
قتلنى بدال مايحيينى
مكنتش عمرى أتصور
بإن أنا جرحى يبقى معاك
قدرت إزاى تخلينى
أحس إنك معايا ملاك
يا أقوى من الشيطان ذاته
وفاكر كل شئ بهواك
متفرحشى بقى فى جرحى
أكيد دورك هيستناك
بقى أستنى وبعد ده كله
ليه متجيش
متتعبنيش
بقى ذنبى إنى حبيتك
وقولت لنفسى إنى مليش
فى كل الدنيا دى غيرك
وكنت أتمنى من قلبى
بإنك يوم متكسرنيش
بنات الناس مهيش لعبه
عشان تتسلى بسنينى
رجولتك عمرها ماتكمل
لو إنت مش هتحمينى
سندت عليك لكن سندى
قتلنى بدال مايحيينى
مكنتش عمرى أتصور
بإن أنا جرحى يبقى معاك
قدرت إزاى تخلينى
أحس إنك معايا ملاك
ياأقوى من الشيطان ذاته
وفاكر كل شئ بهواك
متفرحشى بقى فى جرحى
أكيد دورك هيستناك
