يسار الصدر يالغالي مقرك
مساحات الغلا كلها حدودك
اذا تنشد عن أحوالي تسرك
ولكن بس ينقصني وجودك
هلا وإن جيتني لله درك
فدتك الروح ياموفي عهودك
احبك وارتشف حلوك ومرك
ولكني اداري عن حسودك
إذا وقت السحر طيفي يمرك
تخيل لهفتي في دهن عودك
وصافحني مصافح مايضرك
وسلم لي على فوعة ورودك
لعينك خافقي فز وتحرك
تجره عينك النعسا وعودك
سقى الله بالحيا ريفك وبرك
وجو السعد يالغالي يسودك
ولو عرق اشتياقك يوم جرك
مساحات الغلا كلها حدودك
