ترفه وتحب الغزل
واتغزلت بيها
حلت شعرها ونزل
لحجول رجليها
حنية كلها ودفو
محلاهـا ياربي
نظرتها مثل الغزو
استوطنت كلبي
مدري الخلقــها اشوضع
بخدودهـا الترفة
والمشكله شما بست
تغريني بالشفة
كل الجمال انجمع
بعيونها الحلوة
ايروحلها فدوة العمر
فدوة وره فدوه
واتربعت بالكلب
وامعشعسه ابالي
كعدت بريتي مثل
هذا النفس مالي
ميت عليها وصرت
مجنون رسميا
طحت ابعشكها ومتت
عليها حرفيا
خلوها تلعب لعب
بكليبي تستاهل
وخل تنتشر بالجسم
وتحتلني بالكامل
بالعشك ماكو تره
ممنوع يا عالم
العشك لأهل السهر
ما نخلق للنايم
