سهل جدا ألاقي من يعوض خيبتي وياك
صعب جدا مثل صبري على خيباتك تلاقي
وعساك اذا لقيت تلاقي اللي مثلك و شرواك
مادام الطيبين شوي لا تكمل على الباقي
اذا تذكر زمان أول تجيني كلك من أقصاك
ويروينا الغرام وتكبر أشواقك مع أشواقي
وش اللي غير دروبك عن دروب الوفا وش جاك
سحابة صيف مرت وأغرت أوراقك عن الساقي
كتبتك حلم بأوراقي ولكني عجزت أقراك
محيت الحلم لكن العوض في باقي أوراقي
شكرت الحظ يوم إنه كشف لي عن ثمن فرقاك
يطول الوقت قبل يعلمك عن قيمة فراقي
تجاوزت الكثير ولا بقا إلا شي من ذكراك
لو إنه كاسر قلبي أبد ما يكسر أخلاقي
انا ادري عن مزاياك الكثيرة كلها تزهاك
ولكن الوفا لا ضاع سلم على الباقي
