كتبولي ع الورقه
وياك مانبقه
شايف بشر مثلي
اكباله انوكل حقه
عافولي ع الحيطان
صوره ودمع واحزان
سكران احس روحي
بس اني مو سكران
ساكت وما ادري
ليش الدمع يجري
ماضيعتلي انسان
لاضيعت عمري
بنص عيني موجوده
قطعة حزن سوده
شيحصل امن ايموت
الروحه مكروده
مابقه حل عندي
غير انا اضل وحدي
بچف عمري عايش ماي
كل لحظه متبدي
كطره بعد كطره
الواحد خلص عمره
عايش حياته اهموم
والموت ينتظره
هم دنيته امخوفه
وأيامه ماتصفه
لو شمعه يضويله
ايهب الهوى وتطفه
عمره مثل هيمه
وابلا مطر غيمه
مايدري وين ايروح
ويحچي المن بضيمه
