شوف قلبي يا حبيبي و روحي كم متعلقه فيك
شفني صاير مثل ارض ضامية لمحيا سماك
فيني احساس و مشاعر كلها تجزم تبيك
يالي ايامي و سنيني ما حلت الا معاك
ساكنٍ قلبي و عيني فدوه لك عمري و سنيني
شوف اسمك وسط قلبي ينبض بنسمة هواك
خذني كلي احتويني وخذ معك فايض حنيني
و اطلب و امر تدلل لو بغيت العمر جاك
انت لي ماضي و حاضر مالك بقلبي شريك
انت لي فرح و مسره و شوق يشهق من غلاك
شف خفوقي الي سكنته ميت فيك و عليك
يالغلا كلي حلالك وكل ما فيني فداك
والله ابغيك و تبيني و اسقني عشق و ارتويني
بسلكك درب و محبه حتى لو دربك هلاك
يا شعور يرتجيني حس في قلبي و فيني
هذا لو يطلب خفوقي قلت تم لبيه هاك
