عن الغيمة ليا غطت سما هذا الحنين أحكيك
عن دموع تحسب الأرض تورق لا ارتمت فيها
عن اللي منكسر لجل يتلاقى مع ظلال ايديك
عن اللي كل ماضاقت حروف اسمك يغنيها
أنا ذاك الحزين اللي بكى يرجي تقول شفيك
أبي أنزف من عيوني سوالف كنت أداريها
أبي تتذكر سنيني وتاخذني الى ماضيك
ترى المستقبل أتعبني ولاادري ايش تاليها
تأخرت وذوى قلب هلك من حر ما يطريك
مسافات اللقى طالت عليه وهو يخطيها
دخيلك لو نويت ترد رد احلام عمري فيك
ترجع روحي لروحي قبل تصعد لباريها
تعال ان كان ماتدري لغيرك ماقدرت اشكيك
انا محتاج تسمعني جروحك لا تبديها
تعال وطمن إحساسي طلبتك الله يخليك
ملامح وجهي في بعدك سمار الهم يغشيها
