تكفى يالصوت المبحوح
جاوبني قطعني النوح
ارجع لقليبن مجروح
لاتخليني وتنساني
ليه القسى والحرمان
يااحلا ويااغلا انسان
ارجع لقليبن ندمان
هالمره علشاني
تذكر يوم انتسامر
وقلبي في حبك عامر
تطلبني واقول امر
يالي مامثلك ثاني
تذكر يوم اغنيلك
تحكي علي واحكيلك
في صبحك والا ليلك
دايم عندك تلقاني
ندمان ويضناني الشوق
ندمان وقلبي محروق
ارجع بعدك كيف اروق
ارجع لاتصير اناني
من بعدك شايف هالكون
ماله لاطعم ولا لون
صرت امشي مثل الجنون
بعدك بالحيل اشقاني
لاتجفى وتنسى العشره
وتخليني بالحسره
الجفوه مررره مره
وحر الندم يصلاني
ارفق بي الله يخليك
روف بحال الي يغليك
لا تجيني انا اجيك
ياقلبي وياشرياني
منك الله لا يخليني
يااحلا من شافة عيني
فدوه لك باقي اسنيني
ياوجهتي وعنواني
انتي موطن للازهار
جنة قلبي وانتي النار
ماتوفي فيك الاشعار
لو كاتبها قباني
ياحلوه يابنت النور
يام الجديل المنثور
لجلك اقطع سبع بحور
والمك بين احضاني
وبقلبي يصبح مسكنك
بيتك يالغالي ومطنك
ترضى والا غصبن عنك
ماتطلع لو ثواني
