طلبت قلبي و قلبي جاك
من طيب قلبي و من طيبي
اوهمتني وقلت لي اهواك
ولا ظهر شكي و ريبي
عن فعلتك مختفي تقواك
ونيتك قهري وتعذيبي
وش غيرك يالغضي واغراك
وشلون ترضى و تسخي بي
ليه التغلي على لقياك
وشوق زاده لواهيبي
تدري لـ مريت في ذكراك
في تالي الليل تسري بي
.
لو المحك وسمعك والقاك
انسى جروحي و يلي بي
اواه لو قلت لي افداك
لاني احبك و تدري بي
ماكان قد صار يلي جاك
ولا تعذب بـ تعذيبي
طال الجفى وين نا بلقاك
ليتك تصبح و تمسي بي
ولهان والله على لاماك
ذكراك ينعش و يحيي بي
عجل عليه قبل منساك
لا تستغلني على طيبي
