اللي خانو في عيني ماتو
ومستحيل ارجعلهم
بقو ماضي بذكرياتو
و من حياتي حذفتهم
اللي صان و مجريش حصان
في العيون يتشال يتصان
واللي خان علي اصله باان
ملهوش امان ولا لي مكان
الاصول اتبدلت
لما القلوب اتغيريت
المبادء اتبهدلت
لما الخيانه سيطرت
الشيطان زرع السواد
جوه نفسيت العباد
نسيو اننا لينا معاد
و يوم الحساب هيكون مزاد
رجعوني عشر سنين
خلوني أعوض اللي راح
طول حياتي ياناس حزين
كاتم كتير دمع و جراح
الهموم كانت مقاسي
كنت وحدي بموت وقاسي
بس بينكو عملت ناسي
لكن والله انا مش مرتاح
سجن بره وسجن جوه
توهت مش لاقي طوق نجا
حزني لسه زي ماهو
ايوه مجروح من الحياه
بحر هم وحرقه دم
مين يحس ومين يهتم
لون حياتي بهت من الغم
دخلت مفرمه الاحزان
الغريب ان الغريب
اصبح قريب وقت الوجع
والقريب اصبح بعيد
احنا في زمان مليان خدع
اللي صونته وكنت شاريه
كنت علي نفسي ببديه
وشو ظهر اللي مخبيه
مع ان خيري كان غرقان فيه
انا نفسي ياقلبي تكست
عشان انت طيب و خايب
بتحب في ناس وتمسك
بسنانك في اللي سايب
ديما بتصون وتخلص
وبتوفي للحبايب
و برغم ان انت مخلص
كنت علي طيبتك بتعايب
يوم غيابك قلبي حس
بنبض عالي وضيق نفس
كنت فاكر اني غالي
بس صبري خلاص نفذ
انتي فين يا نن عيني
كل ثانيه بتوحشيني
نفسي تايهه ومش لاقيني
من بعدك انا عايش في جراح
