في ليلتك يا بنت قلبي و ضيا العين
بنتـي و صديقة عمري واختي وأمي
بحصنـك بسم اللي أبدع بك الزين
واقـرا عـليـك ايـات ربي و اسـمي
يا شـام وإنتـي مقبلـة بـرقـه و ليـن
هاتي الصبـاح بنـور وجهك و عـمي
منتي على الأرض إنتي بعروقي تمشين
ما بين نبض القلب مسراك و دمي
كبـر السما والأرض وما بينها البيـن
مبروك و روحي إتـقولها قبـل فـمي
لك يـا عروس لو نظر عينـي تبـغين
قـلـت امـري ياعيون ماما و سـمـي
وإن شفت ضحكتك اللي مدري إلى الحين
هي ضحكة ولا وصـفـة لعلاج هـمي
عليك اقول إلعيني سمي من العين
ويا روحي روحي وإحرسيها وضمي
ربي يـتـمم فرحتـك قولي اميـن
الـلـي بـأمـره كـل شـي ن يـتـمي
ويجمعك مع أحمد على الحب قلبين
ذاك اللي كلما شفتـه قلبي يسمي
الغالي السمح اللي ما منه إثـنـين
يحفظكم الله والسـعـادة تـعـمـي
امين ويبارك لي في عمرك سنين
واشوف انا عـيالك يـنادونك أمي
