خذ عيوني وعطني من حبك قليل
يكفي و إنت اللي قليلك ما أكثره
عطني من عينك ضيا نجمة وليل
وخلني بكيفي اعيشه وأسهره
تدري إنك واحدن ما له بديل
قلبي عن باقي الأوادم ما درى
لك يفيض بداخلي من الحب سيل
وإلا غيرك ما يحرك بي شعره
يالفريد النادر الغالي الأصيل
الجفا منك حبيبي ما أقدره
قربك يخفف علي همي الثقيل
وهمسك يرتب في روحي البعثرة
إنت من جدك تبي لحبك دليل
اه لو تدري غرامك ما أكبره
قلبي ملكك وين ما تميله يميل
ما قدر إلا غيابك يكسره
