ضايق وعيت تستقر الحنايا
مابه مكان وسط صدر ن جنوبي
هذي الظروف تعيد نفس القضايا
لقت لها ف الكبد زاد و شروبي
أصد من وجهي لجيت المرايا
اضيق منه لا كساه الشحوبي
ياليتني ما اخترت بيض النوايا
ماكان عديت الرجم للغروبي
الحسرة اللي من جحود البرايا
عيا يهونها براد الهبوبي
أضحك وأداري ما يبيح الخفايا
بالذات حزن ن حط دوبه بدوبي
يبي من خدور الصبر له سبايا
حزن ن لحوح ساطي بي طلوبي
حتى ولو بجحد ببيض الثنايا
مصيره يبين الحجاج القطوبي
جريرة اللي لذته في شقايا
رحل وقلبي من فراقه يذوبي
مادامه أقفى راضي ن فالمنايا
أهون علي من قولتي لد صوبي
عطاه خفاقي جميع المزايا
إلين ضاق الموقف بجيب ثوبي
صاحت معاليقي وفارت دمايا
يا مضغة ف الصدر بالله توبي
الحسرة اللي من جحود البرايا
عيا يهونها براد الهبوبي
أضحك وأداري ما يبيح الخفايا
بالذات حزن ن حط دوبه بدوبي
يبي من خدور الصبر له سبايا
حزن ن لحوح ساطي بي طلوبي
حتى ولو بجحد ببيض الثنايا
مصيره يبين الحجاج القطوبي
