قولو قولو واحكو عني
عادي عادي مش شاغلني
دماغي رايقه وده عاجبني
واللي مش عاجبه سلام
رايق وعايشها بشياكه
مش عايز من حد حاجه
قالو عني ابو التناكه
عشان لنفسي عامل كيان
برنس وجامد في نفسي
اعيش ويجننكو اسمي
في النزاهه الراعي الرسمي
مش تكبر ولا غرور
عمركو ماتتقارنو بيه
اصل انا في حته لوحديه
امبيري ده عدي 300
سوري عديت الاصول
حبتلهم الخير انا
وحبولي الكعبله
عادي يعني المسأله
اضرب
يلا عادي لعله خير
هاتولي قهوه عشان افوق
مالمزاج لازم يروق
اي عين فيا تبحلق
من صوابعي هتتخذق
مش بسيب حاجه نفسي فيها
بالكاشات وقتي اشتريها
اي حاجه عيني جت عليها
هجيبها انشاله ابعزق
عمري ما كنت حسبها
اصلي عارف اني هسيبها
رامي حملي علي اللي خلقها
مين اللي قال علي بنئادمين
سايب نفسي تروح تفرفش
قايلها مالناس تطنش
خدت ايه مالدنيا ماخدتش
قولت اروق بالي يومين
نفسكم اه تقفلوني
نفسكم اه تعكننوني
لا صعب تعكروني
اضرب
يلا عادي لعله خير
انسي همك فك حبه
لو الدنيا دي جت نكشتني
هزعزغ نفسي واضحكني
مش هخلي حاجه تنكدني
للدنيا هطلع لساني
هاخد نفسي واروح امشيها
هقعدني في سهره نزيها
بايع الدينا ومافيها
وانبساطي ده عنواني
مهما كنت تقيل وچنتل
مهما هترن هكنسل
من علي ودني ياعم انزل مش طلباكو وربنا
هنبسط لو كنت وحدي
مش عايز حد يضايقني
اي حد مهوش فارقلي مش هراضي في حد انا
خد الحكمه ياعم مني
عيش حياتك رايق اسمعني
وسيبها علي الله تملي
اضرب
وبس بردو لعله خير
