اريد اعتب على الميزان
والدنيا الخذت طبعه
الثكيل البيها شو ينزل
الخفيف تشيله وترفعه
يعني شلون ويه الناس
مثل الدرهم بوجهين
والي ابجيله كل عمري
يضحك على دموع العين
اكبرهم كلت يعلون
ما ادري البشر ينغر
ما سامع كبل اني
غصن ع الشجره يتكبر
شكرا الك يا موقف
كشفت وجوه مخفيه
جانت بالوجه تضحك
ولكن بينت النيه
ما افكر بعد بإنسان
وبغيري ابد ما احير
والي بكلبي ما يهتم
اخر اهتمامي يصير
حتى الكلي اضل وياك
صار من النجم ابعد
لكن عالعموم اني
ماعايش على احد
انه التعبه طبعه
والدنيا قست وياه
انه الينجرح كلبي
واعدي في سبيل الله
طريقي وانكتبلي امشيه
واقنع روحي بالكوه
حلو طبعي واحب الناس
بس الدنيا مو حلوه
