رادوني نص العالم
وملعون كلبي الرادك
مجمر افادي هالعشك
من كون يچوي افادك
الكاتلني شكلك بي حسن
طاووس فك جناحه
وشافك نيوتن وانجذب
مو طيحت التفاحة
حن الغريب وماحن
كلبك يماخذ حيلي
وماتحجي ويايه حلو
واكلهم يغنيلي
واحد واحسنك وطن
اضحي ميضحيلي
بس اني مجبر لأن
بالدم احس تمشيلي
لو شفته وجهك بالحلم
ياروحي تحله النومه
ولو جفني ضل ماينفتح
ع النوم ابد مالومه
انت الوحيد اللي صدك
اسمه الحلو من يومه
وبجسمك من الله عطر
هنيال بيه اهدومه
وكلبي اللي قبلك ماحب
هسه انت شمسويلي
واني المشايف اي سهر
سهران هسه بليلي
ساعات اعوفك بس شرط
من عطرك تخليلي
ويوم اللي تضلم دنيتي
بس وجهك يضويلي
